Mnyamata wazaka 25, Emmanuel Gama, wafa sitima itamuomba pa njanji m'mudzi mwa Sikero, kwa mfumu yaikulu Kalonga m'boma la Salima.

Mneneri wa polisi ya Salima, a Rebecca Ndiwate, watsimikiza za ngoziyi, ponena kuti yachitika masanawa.

A Ndiwate ati pakadali pano apolisi akhazikitsa kafukufuku pofuna kudziwa chomwe chadzetsa ngoziyi.

Malinga ndi malipoti, Gama adalowa mu njanjiyi komanso osasuntha pamene sitimayo imayandikira.

A Emmanuel Gama amachokera m'mudzi wa Chigombe, kwa mfumu yaikulu Kalonga m'boma la Salima.

#Your Voice Your Station

#Kubweretsa Chilungamo Kwa Onse